حكايه ابراهيم

حكايه ابراهيم
حكايتك يا ابو خليل عشتها
يوم ما وعيت على الدنيا شفتها
كنت فلاح اجير بس بضمير
قامت الثورة وعملت لك مناخير
لبست لاسه وعشت فى تبذير
صلاة الفجر كنت بتصليها حاضر
الدش غيرك وما بقيتش تاجر
كرهت الفلاحه وعلى الصبر مش قادر
رحت المدينه وعملت فيها شاطر

خلعت ثوبك وتهت يا صابر
لبست بنطلون وتى شيرت يا ساتر
سبت ارضك والدوده اتغلبت عليك
يا شاطر
الاشتراكيه ضيعتك وانت كنت صابر
اتعلمت شرب السجاير وكعبك داير
فقدت ارضك يا ابو خليل

فقدت ارضك يا ابو خليل
وضاعت هويتك فى البنادر
الرغيف مش لاقيه يا راجل
الخير كله كان عندك وما فاكر
ارجع البس توبك
وشيل الدودة وخليك صابر
مصر من غيرك
ما يتصلح حالها يا راجل
مع تحياتى