الصداقه ما بين البنت والولد

السلام عليكم ورحمة الله وبركاته

الصداقة مابين البنت والولد

عن ظاهرة الصداقة المنتشرة مابين البنات والشباب
في بنات وولاد بيعملو كده
للبنت.. من قلة البنات تبقى صديقتك (ولد)
للولد.. من قلة الولاد يبقى صديقك (بنت)

الىالبنات..

حبايبى ازاى بتقدروا تكلموا ولاد فى التليفون .. مبتحسوش ولو للحظة انكوا بتعملوا حاجه غلط.. ايوه اكيد عارفين انه حاجه غلط .. لانكوا مش بس بتكلموا ولاد فى التليفون ده انتوا كمان اول مابتحسوا ان بابا او ماما او اخوكى او اختك قريبين منك بتكلميه كأنه بنت .. يعنى بتكدبى على أهلك.. بالاضافه لكده فواتير التليفون اللى بتيجى مرتفعة مش بتحسى بالذنب لانها من كلامك مع ولد مش واحده صاحبتك..

ممكن تقوليلى احنا بنتكلم كلام عادى ..
فهقلك وليه متتصليش بصاحبتك بدل ماتتصلى (بصاحبك) مش كله كلام
هتقوليلى مش عارفه ليه بيحصل ده بس بحس براحه اكتر وانا بتكلم معاه فبفضله على صحباتى
فهقلك اكيد طبعا هتحسى براحه لان الشيطان موجود.. امال هو لازمته ايه .. ده يبقى فشل فى مهمته لو ماخلاكيش تفضلى صاحبك على صاحبتك
ياترى هتسيبى الشيطان هو اللى ينتصر ولا هتنصرى حبك لربنا وأّمانتك مع أهلك
..لكى الاختيار..

لكن اسمحى لنفسك انك تفكرى ولو دقيقه واسألى نفسك (هل انا راضية عن نفسى وانا بكلم ولد؟؟)
( ياترى ربنا راضى عنى وانا بكلم ولد ولا مش راضى وزعلان منى) جاوبى على الأسئلة دى بصراحه
لازم تجاوبى دلوقتى.. قبل ماتتسألى من الملكين فى القبر ومن ربنا يوم القيامة..

وسيبك من البنات اللى حسسوكى انها حاجه عادية لان زى مافى كتير بيكلموا ولاد فى الاكتر منهم مش بيكلموا ولاد

الى الشباب

انتوا بتستفادوا ايه لما بتكلموا بنت فى التليفون ولما بتخرجوا مع بنت؟؟؟
لو كانت البنت دى اختكوا كنتوا هترضوا ده ليها
هتقوليلى احنا اخواتنا البنات مايعملوش كده اصلا
فأنا هقول ليكو حديث للرسول صلى الله عليه وسلم(حب لأخيك ماتحبه لنفسك) مادمتوا انتوا مابتحبوش يحصل ده لاخواتكوا وماترضوش بيه ليهم يبقى فى نفس الوقت ماترضوش بيه لبنات الناس واعتبروهم اخواتكم

ممكن فعلا الاقى شباب بيقول عادى وفيها ايه لما اكلم بنت ومافيهاش حاجه لما اختى تكلم ولد
بصراحه لو كان فى شباب كده يبقى ونعم الرجوله.. ولاتعليق

والله يا اخوى احنا بقينا فى زمن الرويبدة الى هما التافهيين يعنى .....هما الشباب التيكى ميكى دول بتوع بابى ومامى هيعملوا حاجة فى دنيتهم غير انهم يعرفوا بنات ويكلموا بنات ولعلمك مافيش شاب بيتعرف على فتاه وبعد كده بيتجوزها لا ده ممكن يتسلى بيها شوية وبعد كده يسبها واهى واحده راحت واحدة تيجى ....موضوعك جميل جدا والقضية الى فيه هادفه

الف شكر يا كبير

من رأى ان الصداقة بين الولد والبنت موجودة مدام محدودة فى اطار محترم جدا عن طريق النقاش وكل طرف بياخد راى الطرف الآخر فى حاجت كتيير
بس مش معنى كدة يبقى رغى فى الوفن بقى وفى نص الليل لا طبعا الصداقة عشان تفضل محترمة لازم يبقى ليها حدود وحدود قوويييية كمان واللى اتنازل عن الحدود دى هو اللى هيخسر معنى الصداقة وهتتحول لهييصة زى اللى بنشوفها دلوقتى
من تجاربى الحمد لله انا اصدقائى بتكلم معاهم عادى واهلى عارفنهم وعارفين اهلهم كمان.
ربنا يهدى الجميع بأذن الله

اشكرك على الموضوع الجامد دا وجزاك الله خيرا